Philip BREWER » Miaj verkaĵoj

La malsaĝa virino, kiu adoptis ursidon

pbrewer — Sun, 20 Feb 2011 20:08:21 +0000

Lasta semajno, nia loka grupo refoje legis novelon de Marjorie Boulton el Faktoj kaj Fantazioj: “La Virino, kiu Adoptis Ursidon kiel Filon.” Ĝi estas absurda, ridinda rakonto, pri ursido vartita kiel knabo.

Refoje, mi estis movita verki novan, pli veran rakonton. Ĉi-fojon, ĝi estas sufiĉe mallonga, mi simple afiŝas ĝin. Jen:

La Malsaĝa Virino Kiu Adoptis Ursidon

Iam estis malsaĝa maljunulino, kiu provis varti ursidon. Dum kelkaj semajnoj, ĝi estis tre ĉarma dombesto, kaj ĉiuj ŝatis ĝin. Tiam, ĝi mortigis la maljunulinon kaj manĝis ŝian hepaton.

Fino

Legendo pri Belulino

pbrewer — Sun, 06 Feb 2011 12:56:59 +0000

Marjorie Boulton en Berlino dum la 1999a Universala Kongreso

Por la diskuto-rondo de nia loka grupo, ni legis rakonton de Marjorie Boulton el la libro Faktoj kaj Fantazioj. En la rakonto, patro dezirante elekti la plej bonan edzon por la filino, diras, ke ŝi mortis, kaj petas monon por funebro. Du el la junuloj diras ne, sed la tria donas la monon kaj iras por kunlamanti kun la patro. Tiam la patro malkovris la ruzon, kaj la paro edziĝas.

Mi trovis la rakonton stranga kaj timiga. Do, por komfortigi min, mi verkis alian rakonton pri simila patro kun simila filino—sed mi priskribas pli probablan rezulton.

Mi nomis ĝin “Legendo pri Belulino.”

Steve enmetis ĝin kun la Legendoj de la Zne Majstroj, kaj nomis ĝin “La Ŝparema Patro.”

Eldonita: Paŭzo en la stacidomo Union

pbrewer — Sun, 22 Aug 2010 02:15:59 +0000

Mia novelo “Paŭzo en la stacidomo Union” aperas en la nuna numero de Beletra Almanako. Mi ĵus ricevis ekzempleron.

Mi trovas min tre bone kunigita.

“Tiu,” Emma diris

Otto rigardis kien ŝi kapmontris. “Tiu alta viro en la drelika jako?” Li pripensis. “Filo de riĉaj gepatroj. Eksigita el pli ol unu universitato pro tro da petoloj kaj maltro da studoj. Ricevas iom da mono de la patrino, sed ne sufiĉe por vivteni sin.”

Akireble per Amazon: Beletra Almanako 8 (BA8 – Literaturo en Esperanto) (Esperanto Edition)

Aŭ rekte de la eldonejo.

Aĉetu! Legu!

Afiŝo pri UEA konto

pbrewer — Wed, 19 Dec 2007 12:42:07 +0000

En mia angla-lingva blogo pri mono kaj ŝparemeco, mi afiŝis pri uzo de UEA konto por internacia pagado.

Mi dubas, ke iu esperantiĝus por uzi la konto-sistemon, sed la leganto tamen vidas la vorton Esperanto.

Nova (angla-lingva) blogo

pbrewer — Tue, 24 Jul 2007 11:25:24 +0000

Mi nun blogas (en la angla) pri mono kaj ŝparemeco en Philip Brewer’s blog ĉe Wise Bread. Se tio interestus vin (kaj vi povas legi la anglan), legu!

Afiŝis ĉe ELNA retloko

pbrewer — Sun, 26 Mar 2006 17:00:31 +0000

Mi jus verkis kaj afiŝis afiŝon ĉe la ELNA retloko. Jen mia blogo ĉe la ELNA retejo.

Nova legendo

pbrewer — Thu, 20 Jan 2005 22:43:32 +0000

Tiu nova legendo, kiun mi verkis, estas afiŝita. La fotografio estas de mi ankaux.

Legendoj

pbrewer — Wed, 19 Jan 2005 21:08:10 +0000

Multajn de la Legendoj de la Zne Majstro verkis mia frato. Sed, mi lastetempe verkis novan.

Mi ligus al ĝi, sed li ankoraŭ ne afiŝis ĝin.

Vortpunoj refoje atingebla

pbrewer — Mon, 25 Oct 2004 16:37:26 +0000

Bonege! La reta novajxletero de mia frato de 1992, “Vortpunoj–la Jxurnalo de nenecessaj lingvoj”, refoje estas atingeble.

Mi estas fonto!

pbrewer — Sat, 13 Sep 2003 17:33:10 +0000

La Reta Vortaro estas bona reta vortaro. Kiel bonaj vortaroj faras, ili serĉas citaĵojn, kiu uzas la vortojn.

Do, rigardu la kapvorto emisi/i kaj notu la unuan fonton!

Mia artikolo!

pbrewer — Sat, 13 Sep 2003 17:00:34 +0000

Antaŭ kvin aŭ ses jaroj, mi verkis artikolo por Monato. Ili metis iom da iliaj artikoloj je ilia retpaĝaro, sed mi ne trovis la mian. Do, mi metis ĝin je mia mem retpaĝaro “Dolaroj kaj eŭroj grandbilete”.

Sed, mi ĵus trovis ke (ŝajne dum 2001) Montao ja faris ĝin. Jen “Dolaroj kaj eŭroj grandbilete” je la Monato retpaĝaro!

Bonege!

Tiu ĉi retloko

pbrewer — Sun, 03 Aug 2003 18:21:38 +0000

Tiu ĉi retloko estas preskaŭ fina. Ne finfina, kompreneble, sed la basaj paĝoj estas tie. Do vidu http://esperanto.philipbrewer.net/.