Eldonita: Paŭzo en la stacidomo Union

Kovrilo de Beletra Almanako n-ro 8Mia novelo “Paŭzo en la stacidomo Union” aperas en la nuna numero de Beletra Almanako. Mi ĵus ricevis ekzempleron.

Mi trovas min tre bone kunigita.

“Tiu,” Emma diris

Otto rigardis kien ŝi kapmontris. “Tiu alta viro en la drelika jako?” Li pripensis. “Filo de riĉaj gepatroj. Eksigita el pli ol unu universitato pro tro da petoloj kaj maltro da studoj. Ricevas iom da mono de la patrino, sed ne sufiĉe por vivteni sin.”

Akireble per Amazon: Beletra Almanako 8 (BA8 – Literaturo en Esperanto) (Esperanto Edition)

rekte de la eldonejo.

Aĉetu! Legu!

[Aktualigita 2014-06-10: Mi afiŝis la novelon ĉi tie: Paŭzo en la stacidomo Union.]

Oni ludas ludon Mafia en Esperanto!

Mi lernis la rakonto-ludon Mafia ĉe Clarion.  Estas tre bona ludo por verkisto, ĉar ludado estas esence rakontado.  Sed, mi tute ne sciis, ke Esperantistoj ankaŭ­ ludas.  Ili nomas ĝin Lupfantomo, kaj la minacaĵo estas fabela besto anstataŭ­ krimorganizo, sed la ludo estas sama.

Per la jarkunvena retpoŝtlisto, Scott Starkey (Yekrats) provas organizi ludadon dum la Esperanto-USA jarkunveno en Sankta-luiso.  Ni esperu, ke li sukcesos!

Li trovis la jenajn ligojn pri la ludo:

(malnova ĉefafiŝo)

English speakers, read my English-language homepage.

Philip BREWER
Philip BREWER (foto de Jackie BREWER)

Mi estas verkisto.  En la angla mi verkas sciencfikciajn novelojn. Ankaŭ en la angla mi verkas artikolojn pri mono kaj ŝparemeco ĉe Wise Bread.   Vi povas legi pli pri mia angla-lingva verkado ĉe mia angla-lingva hejmpaĝo.

En Esperanto mi havas blogon ĉe Esperanto-USA.   Mi ankaŭ­ havas blogon ĉi-sube, kiu lastetemp (ekde mi ekblogis ĉe Esperanto-USA) enhavas plejparte ŝercojn.

Mi ankaŭ­ verkis kelkajn verkaĵojn pri diversaj aferoj–mono, pli da ŝercoj, haikoj, ktp.

Se vi iam estas proksima, nepre venu al la renkontiĝoj de la Esperanto-Klubo de Orient-Centra Ilinojo (ekoci).   Tre plaĉus min renkonti vin!

Kandidatos

Mi staros kiel kandidato al la ELNA estraro. Mi verkis etan mempriskibon por la balotilo. Jen:

Mi ekstudis Esperanton en 1986. Mi ĉeestis ELNAjn landakongresojn en 1994 (Sacramento) kaj 1996 (Detroit). En 1999 mi ĉestis la Universalan Kongreson en Berlino. Dum 1996 kaj 1997 mi redaktis la ELNAn novaĵleteron “Esperanto-USA.”

Mi diplomiĝis en ekonomiko. Mi loĝas kun mia edzino en Illinois, kie mi laboras ĉe Motorola kiel komputilisto. Mi estas verkisto–de sciencfikciaj noveloj en la angla kaj diversaĵojn en Esperanto. Sur la nova ELNA retejo, mi verkas blogon pri mia esperanta vivo. Mi faris anglalingvan filmeton “The Adventures of Doctor Esperanto” (amuzaĵeto pri la lingvo-problemo). Mia frato, Steven Brewer, ankaŭ estas esperantisto, kaj nune estas vicpresidanto de ELNA. Kun li, mi verkas hajkojn sub la plumnomo Istvan Bierfaristo.

Laŭ mi, la plej gravaj aferoj de la landa asocio estas tiuj, kiuj ligas la unuopajn esperantistojn en la nacian kaj internacian komunumon de esperantistoj. Do: subteno de vigla aro de lokaj grupoj, la novaĵletero, la nova retejo (kie ĉiuj membroj povas verki paĝojn), la libro- kaj abono- servo, kaj la jarkunveno. Kiel estrarano, mi subtenos tiujn aferojn.

Novan komputilon!

Antaŭ semajno mi mendis novan komputilon, kaj ĝi ĵus alvenis! Estas nova iMac–tiu, kiu ŝajne estas nur granda, plata ekrano. Tre placxas min!

En Francujo

Mi estas in Francujo! Mi vojagxis cxi tien por fari laboran taskon, kaj laboris dum la semajno. Semajnfine, mi esperas vidi la urbon Toulouse.

Mia frato sendube kritikos min, cxar mi ne trovis lokajn esperantistojn, sed mi laboris preskaux 12 horoj cxiun tagon, kaj la tempon mankas gxis nun. Eble mi povus esperanti matene, sed, mi kredas ne. Post longa semajno de tro da noveco, mi bezonas iom da soleco.

Lundon, mi iros al Danujo!