Dum la pandemio, ekzercejoj estas fermitaj—eĉ la simpla ekzercoĉambro kie mi loĝas. Ŝildo sur pordo diras: “Notu: Fermita ĝis plua noto.” Kaj, ĉar tio ne sufiĉis, oni ankaŭ kovris la ŝlosiltruon, kaj forprenis la tenilon de la pordo.
Mi jam preskaŭ ne uzis la ekzercmaŝinojn, sed la ekzercejo havis bonegan aron de halteroj, kaj ĉar ili estis tie, mi uzis ilin. Nun, mi devas fari mian ekzercon sen ili.
Krom la halteroj, mi plej akre sentis la perdon de la stango mi uzis por sinpendado kaj sintirlevado. Do, mi tuj mendis duopon de gimnastikaj ringoj, kiuj mi nun uzas por tio.
Por anstataŭigi la halteroj, mi havas unu 15-funtan (7 kg) globhalteron. Ĝi estas tro malpeza por multaj ekzercoj por mi, sed dum tempo mi povos simple fari pli da ripetoj de iu ekzercaĵo.
Mi ankaŭ havas saltŝnuron.
Kaj, kompreneble, mi ĉiam havas ĉigongon kaj tajĝion, kurado, ktp.
Ĉu vi? Kiel vi trejnas kaj ekzercas dum la pandemio?
Antaŭ unu jaro mi priskribis mian planitan ekzercan rutinon por lasta somero (en Kuru, kaŝiĝu, kuru, batalu, kuru). Fakte, mi plejparte ne efektivigis tiun rutinon.
Ĉi-jare, mi planas pli simplan rutinon. Ĉiun semajnon:
Dufoje mi kuros (unufoje longe, unufoje rapide),
Dufoje mi levos halterojn,
Unufoje mi svingos globhalteron (kiel alt-intensa intervala trejnado).
Dum du tagojn mi ripozos.
Lasta monato mi kuris nur unufoje, ĉar la vetero estis malbona por kurado, sed mi ja levis halterojn 14-foje, do pli ol dufoje dum ĉiu semajno. Ĉi-monatoj mi jam kuris dufoje dum la unua semajno, levis halterojn dufoje, kaj svingis globhalteron unufoje, do precize kion mi intencas.
Mi provos afiŝi pli ofte ĉi somero, pri mia pli simpla ekzerca rutino.
Mi unue aŭdis pri globhalteroj en (angla lingva) afiŝo de Tim Ferriss: Perfekta Postaĵo. La afiŝo rakontas pri amiko de Tim kiu uzis lian diplomon pri ekzerca fiziologio por perfektigi la inan postaĵon.
Laŭ Tim:
La obsedo komencis kiam li [amiko de Tim] vidis sambo-dancistinon balancante glasetojn de tekilo sur ĉiu sidvango. Lamentante la mankon de similaj scenoj en lia lando, li ekiris je misio por izoli la plej bonajn ekzercojn por krei tekiloglasetindajn sidvangojn.
Jam de 2000 li rafinis lian metodon al scienco. Dum kvar semajnoj, li kondukis lian tiam-amikinon, ĉinino kun profilo de surftabulo, al premio kiel unu el la 10 plej amor-logaj virinoj el 39,000 studentoj ĉe Universitato de Aukland. Aliaj studentinoj demandis al ŝi kiel ŝi levigis ŝiajn gluteojn tiel alta super la femuroj.
Mi ne bezonas tiajn sidvangojn, kiaj meritus iun ajn speco de glaso, sed globhaltero-svingoj ekzercas la tutan dorso-ĉenon de muskoloj, de la malantaŭo de la kranio ĝis la Aĥila tendeno. Mi dumlonge volis ekzerci per unu, sed mi ne havis.
Feliĉe, iu donacema homo lasis 45-funtan (20 kg) globhalteron en la loka ekzercoĉambro. Antaŭ ses semajnoj, mi ekekzercis per ĝi.
Laŭ Tim, oni du aŭ tri fojojn dum semajno svingu la globhalteron 75-foje. Se vi ne povas fari 75 svingojn, faru iom, paŭzu dum minuto, kaj faru iom plu, ĝis vi atingas 75.
Por mi, la 45 funtan globhalteron estis eble iomete tro peza. Do mi komencis malpli rapide ol tio. Mi komencis per 5 aŭ 10 svingoj. Post du semajnoj, mi faris 15 svingojn. Post kvar semajnoj mi faris 20 svingojn. Tiam mi ekfaris arojn de 15 svingoj, kaj hodiaŭ atingis 3 arojn. Mi antaŭvidas, ke mi nun kreskigos la nombron da svingoj, ĝis mi povos fari 3 arojn de 25 svingoj.
Jen Tim Ferriss montras la globhalteran svingon (refoje en la angla):
